16 أسبوع… التغيير بإيدك حرّكي حياتك!
تدريب، تغذية ومتابعة ضمن مجموعة داعمة — بنمشي مع بعض خطوة بخطوة.
بتستاهلي نتيجة بتدوم.. عشان هيك لازم نشتغل بوضوح، وبدون عشوائية!
ليش بترجعي لنقطة البداية بكل مرة؟
-
01
دوامة الحرمان والتخمين
وفّري وقتك ومجهودك، واكسري الدوامة بطريقة بتضمنلك تنوّع، دقة، وعدم حرمان.
-
02
الخرافات وكسر الخوف
المعلومات المغلوطة والأفكار المسبقة هي سبب ترددك. رح نصحّح هالمفاهيم ونعلّمك لغة الأرقام، ليكون الميزان أداة بتعطيكي حرية وثقة.
-
03
الوعود الوهمية والطرق السحرية
بطّلي تشتري أحلام؛ إحنا بنعطيكي خريطة علمية واضحة، وإنتي بتعطي الالتزام… خطوة منك وخطوة منّا لنوصل.
-
04
ما في إطار بيحتويكي وبيدعمك
رح نكسر التردد والتخبّط بوجود مجموعة بتسندك وبتدعمك، لحتى ما تحسّي إنك لحالك بنص الطريق.
التغيير بيحتاج لأساس متين
وعشان هيك بنينا «النظام» في MYOSFIT مؤسّس على علم ومعرفة؛ ليعطيكي الأرقام والخريطة وتودّعي العشوائية.
إحنا ما بنعطيكي دايت ونمشي!… هدفنا نبني وعيك لنوصل مع بعض لنقطة «التفرّع».. اللحظة اللي بتواجهي فيها عاداتك القديمة، وبتصيري إنتي صاحبة القرار بطريقك!
كل اللي بتحتاجيه ببرنامج واحد…
رحلة الـ16 أسبوع
4 شهور من الشغل المنظّم لتغيير عاداتك وبناء لايف ستايل بيضمنلك نتيجة بتدوم.
ابدئي معناورشات «تفرّع»
لتبني وعيك وتصيري إنتي صاحبة القرار باختياراتك — معرفة بتتفرّع معك وبتضل معك.
ابدئي معنامتابعة يومية
إحنا معك وعنوانك، لنضمن إنك ماشية على الطريق الصح — متابعة أونلاين مواعيدها بنلائمها مع المجموعة.
ابدئي معنالمّة MYOSFIT
لقاءات وجاهية كل أسبوعين، لنتابع تطوّرك ونشحن طاقتك بحماس المجموعة.
ابدئي معناتدريبات «أوت دور»
اكسري الروتين والملل! تدريبات خارجية لتجديد طاقتك ورفع لياقتك بعيد عن الجو المغلق.
ابدئي معنامش دايت مؤقت… أدوات بتضل معك
بتتعلّمي كيف تكوّني وجباتك، تختاري بدائل مناسبة، وتاكلي بتنوع بدون حرمان — لتبني عادات تناسب جسمك وحياتك.
كل خطوة إلها سبب…
-
1
بنفهمك
منفهم مستواك، هدفك، أرقامك وروتين حياتك.
-
2
بنجهّز خطتك
خطة تدريب وخريطة غذائية مبنية على أرقامك وأهدافك.
-
3
بنتابع وبنعدّل
إذا تعثرتي، منفهم السبب، منعدّل المسار ومنكمل معك.
شو بتشمل رحلة الـ4 شهور؟
16 أسبوع بنمشيهم معك خطوة بخطوة.
-
خطتك الخاصة
خطة تدريب للنادي القريب منك، وخريطة غذائية حسب أرقامك وأهدافك.
-
متابعة أونلاين
متابعة يومية ضمن 4 ساعات، بنلائمها مع المجموعة.
يومياً -
لمّة MYOSFIT والورشات
لقاء وجاهي وورشة عملية، بمكان وموعد بنلائمهم مع المجموعة.
كل أسبوعين -
تدريب Outdoor جماعي
تمرين جماعي بالهواء الطلق.
مرة بالشهر

المدرّبة آمنة
مؤسِّسة MYOSFIT
- بكالوريوس تربية بدنية بتفوّق — جامعة تل حاي.
- مدرّبة تغذية رياضية معتمدة — معهد وينغيت.
- مدرّبة تدريب شخصي وجماعي Outdoor معتمدة — معهد وينغيت.
- +5 سنوات خبرة في التدريب والتوجيه.
فلسفتي معكأنا بآمن إن الصحة ما بتنبني بالخوف من الأكل، ولا بالعقاب بالتمرين.
هدفي أساعدك تفهمي جسمك، وتبني روتين واقعي ومرن يكمّل معك حتى مع ضغط الحياة ومسؤولياتها.
هل MYOSFIT مناسب إلك؟
بنستقبل 10–12 مشتركة بكل فوج، لنضمن متابعة حقيقية.
مناسب إلك إذا…
- بدك تبني صحة وقوة تدوم.
- حابة تفهمي جسمك وتغيّري عاداتك.
- بتقدري تتدرّبي بنادي قريب منك.
- مستعدة تلتزمي، حتى لو كنتي مبتدئة.
يمكن مش مناسب إلك حالياً إذا…
- بدك حل سريع أو نزول وزن مؤقت.
- بدك ورقة دايت بدون فهم أو تعلّم.
- ظروفك حالياً ما بتسمحلك تلتزمي بالوقت والجهد.
من 68 لـ56… والأهم، لقيت طريقة أقدر أكمل فيها.
كنت مكانك. أتمرن كل يوم وآكل قليل كتير. نزلت بالوزن، بس تعبت وما قدرت أكمل.
لما غيرت طريقتي، وبالعلم والتجربة، وصلت لـ56 كيلو بتوازن: رياضة معتدلة، وأكل بكميات بتناسب جسمي، ومن أكلات بيتي اللي بحبها.
الطريق ما كانت خط مستقيم، بس بنيت عادات بتساعدني أرجع بعد أي تعثر. ومن هون إجت MYOSFIT، عشان أرافقك بخبرتي وتلاقي الطريقة اللي بتناسبك وبتقدري تكملي فيها.
آمنة | مؤسسة MYOSFIT
هاي تجربتي الشخصية.... تذكري يا صبية إنو الأجسام بتختلف، والنتيجة اللي رح توصليها بتعتمد بالأساس على التزامك بالبرنامج، استمراريتك، وتطبيقك للخطوات. MYOSFIT بتعطيكِ الخطة العلمية، المتابعة، وكل الدعم اللي بتحتاجيه.. والنجاح بكمل بإرادتك وتعبك معنا!
أسئلة بتيجي قبل القرار
إذا في شي مش واضح، احكي معنا — منجاوبك بصدق قبل أي التزام.
- برنامج 16 أسبوع
- متابعة يومية
- ورشات «تفرّع»
- مرونة بدون حرمان
- مجموعة نسائية داعمة
مش لازم تعرفي كل الإجابات من البداية؛ خدي أول خطوة، احكيلنا عنك شوي، ونشوف سوا شو الأنسب إلك.
ابدئي خطوتك الأولى ✨دقيقة وحدة — اسمك ورقمك وهدفك، ومنرجعلك.
خلّينا نبني صحتك عن وعي… جاهزة؟
سجّلي معنا، وخدي هديتك لتبلّشي أول خطوة بوعي.
لنضمن متابعة شخصية حقيقية لكل وحدة.
🔒 معلوماتك بتضل بيننا، وبنستخدمها فقط للتواصل معك.
MYOSFIT
معِك
محتارة شو تعملي؟ معِك بتدلّك على الخطوة الجاية.
أداة سريعة من MYOSFIT للمواقف اليومية بالأكل وترتيب يومِك.
- ⚡سريعةتوجيه بأقل من دقيقة.
- 🎯حسب موقفِكاختاري اللي صار معِك وخدي خطوة واضحة.
- 💗بدون لومتوجيه يساعدِك تكمّلي بدون ما تكبّري الموقف.
معِك أداة توجيه سريعة، ومش بديل عن خطة أو استشارة شخصية.
يلا، ورّيني معِك